LAOAG CITY – Posible a nabayagen a paggapgapoan wenno wagas iti panangliklik iti buis ti industria ti vape ken tabako iti pagilian.
Inbatad ni Bureau of Internal Revenue Commissioner Romeo Lumagui Jr., dinoblen ti ahensia dagiti addang tapno lappedan ti paggapgapoan ti source ti tax evasion.
Inadmitir ni Lumagui a ti karigatan a kamaten dagiti adda iti likudan ti vape products gapu ta maibilang a baro daytoy nga industria.
Kunana a ti smuggling met ti sigarilio ti kanayon iti tax evasion activities no kitaen ti binilyon a biruk ti napukaw iti gobierno.
Maipalagip nga adda iti P3.26-B a balor ti smuggled vape products ti immunan a dinadael ti Bureau of Internal Revenue ken Bureau of Customs a maibilang a kadakkelan nga addang kontra kadagiti agar-aramid ti illicit trade iti pagilian.
Naammoan a ti kangrunaan a kitkitaen ti Bureau of Internal Revenue ket dagiti nagduduma a modus ti nasao nga industria tapno ilibas iti pagilian dagiti iligalda a produkto.
