LAOAG CITY – Inanunsio ni Bureau of Internal Revenue (BIR) Commissioner Charlito Martin R. Mendoza ti panangisagsagana ti ahensia ti addang a mangikkat ti Value-Added Tax (VAT) iti allowable system loss charge kadagiti bill ti kuryennte, kalpasan ti pammilin ni Presidente Ferdinand R. Marcos Jr. a mangipaay ti insigida a pakalag-anan kadagiti Pilipino.
Mainaig iti daytoy, manamnama ti panangiparuk-at ti Bureau of Internal Revenue (BIR) ti Revenue Memorandum Circular kalpasan ti 15 nga aldaw manipud iti aldaw a pannakaimprinta ti Energy Regulatory Commission (ERC) Resolution No. 26, Series of 2026, no sadinno ket pormal a naibilang ti system loss charge kas maysa a government-mandated pass-through cost.
Iti salinong ti Energy Regulatory Commission (ERC) Resolution No. 26, Series of 2026, ti allowable system loss ket maibilang a naisubli a gastos ken saan a maibilang daytos kas ganansia para kadagiti generation company, National Grid Corporation of the Philippines (NGCP) ken kadagiti distribution utilities.
