LAOAG CITY – Umay bumisita ditoy pagilian ti maysa nga opisyal manipod Vatican.
Basar iti Department of Foreign Affairs (DFA), agtaripnong da Vatican Secretary for Relations with the States of the Holy See, Archbishop Paul Richard Gallagher ken ni President Ferdinand Marcos Jr., karaman dagiti opisyal ti Romano Katolika ita a lawas.
Agtalinaed ni Gallagher ditoy Pilipinas iti lima a lawas tapno agatendar pay ti sumagmamano nga aktibidad.
Inpakaammo ti DFA a ti ibibisita ni Archbishop Gallagher ket isu ti kaunaan nga official visit ti Vatican foreign minister iti pagilian iti 72-year diplomatic relations iti nagbaetan ti dua nga estado.
Mainaig iti daytoy, kataripnong ni Gallagher ni Foreign Affairs Secretary Enrique Manalo tapno pagsaritaan da ti areas of cooperation iti nagbaetan ti Holy See ken ti Pilipinas, pakairamanan ti higher education, migration governance, interfaith dialogue, ken climate change.
