LAOAG CITY – Inpalubosen ti Vatican ti panangrugi ti imbestigasion para iti posible a panagbalin a santo ti agtawen ti 13 nga Ilokana a ni Niña Ruiz-Abad.
Basar iti Dicastery for the Causes of Saints iti Vatican a palubusanda ti Diocese of Laoag tapno imbestigaran ti reputasion ni Abad.
Immunan nga inbatad ti Catholic Bishops’ Conference of the Philippines a ti balasitang a manipod ditoy Ilocos Norte ket adda ti napigsa a debosion iti Eukaristiya idi sibibiag pay daytoy.
Ti pammatina ti nagbalin nga inspirasion iti intero a probinsia.
Ni Abad ket pimmusay gapu iti cardiac disease idi agtawen laeng daytoy ti 13.
Mangrugi inton bulan ti Abril ti beatification ken canonization process ni Abad iti Saint William’s Cathedral iti Laoag.
