LAOAG CITY – Mangnamnama ti Vatican a kadagiti sumaruno nga aldaw ket palubusanen dagiti doktor a makaruaren ti ospital ni Pope Francis.
Inbatadna nga agtultuloy ti improvements wenno panagdur-as ti salun-at ti agtawen ti 88 nga Argentinian Pope maidasig kadagiti napalabas a lawas.
Inikkatdan ti panagusar ti non-invasive mechanical ventillation ken kinissayanda payen ti panagusar ti high-flow oxygen therapy.
Sumaysayaat ti resulta ti panagusar ti Santo Papa ti motor ken respiratory physiotherapy.
Maipalagip nga idi kalman, karaman pay ti Santo Papa a nangidaulo ti misa para iti piesta ni San Jose.
Immuna iti daytoy, idi Pebrero 14 idi naitaray iti ospital ti Santo Papa gapu iti double pneumonia.
