LAOAG CITY – Inakusaran ti Venezuela ti Estados Unidos kas “greatest extortion” iti emergency session ti United Nations Security Council idiay New York.
Segun iti Venezuelan ambassador to the United Nations, ti panangagaw ti Washington iti dua nga oil tankers ti Venezuela ket nakarkaro pay ngem ti panangpirata.
Naisayangkat ti emergency meeting ti Security tapno talantanen ti panangagaw kadagiti tanker a napasamak iti kabaybayan ti Venezuela iti napalabas a bulan.
Inbatad ti Estados Unidos a kamkamatenda ti maikatlo nga oil tanker ti Venezuela.
Inakusaran ni United States President Donald Trump ti Presidente ti Venezuela a ni Nicolas Maduro iti panangidaulo iti kartel ti droga ken kunana a dagiti gang ket nagop-operar nga awanan ti pannusa iti naunday a panawen.
Inbilin ni Trump idi Disiembre 16 ti naval blockade a mapatawan ti pannusa dagiti amin a sumrek ken tumalaw idiay Venezuela.
Kabayatanna, nangi-deploy ti Amerika ti 15,000 troops ken range ti aircraft carriers, guided-missile destroyers pakairamanan ti amphibious assault ships iti Caribbean.
