LAOAG CITY – Nangiyuswat ti Venezuela ti “massive mobilization” dagiti military personnel, armas ken kagamitan a panggubat.
Ti tignay ket kas sungbat iti panangideploy ti US kadagiti barko na a pakigubat iti Caribbean Sea.
Kuna ni Venezuelan Defence Minister Vladimir Padrino López a mangisayangkatda met kadagiti land, air, naval ken reserve forces exercise.
Ibilangda a maysa nga “imperial threat” ti panangipan ti US kadagiti warshipda.
Malaksid kadagiti military drill ket karaman pay ti Bolivarian Militia a maysa a reserve force a bukbuklen dagiti sibilian a binukel met ti pimmusay a Presidente Hugo Chávez.
Inaprobaran ni Venezuelan President Nicolas Maduro ti military exercise tapno masanay dagitoy no adda ti riribok.
