LAOAG CITY – Inbatad ni Venezuelan opposition leader María Corina Machado a ti pannakaarestar ni Nicolás Maduro ket dakkel nga addang para iti humanity, wayawaya ken human dignity.
Maipalagip a naarestar da Maduro ken ti asawa na a ni Cilia Flores babaen kadagiti tropa ti Estados Unidos iti mismo a compound da iti ciudad ti Caracas a kabisera ti Venezuela.
Kuna pay ni Machado a dayawen ken dakkel ti panagyaman na ken ni US President Donald Trump iti nagbalin nga addang na kontra ken ni Maduro.
Naamoan pimmanaw ni Machado iti Venezuela iti napalabas a bolan tapno awaten ti Nobel Peace Prize iti pannakilaban na kontra iti inawagan ti Norwegian Nobel Committee a diktadura no sadinno a saanen a nagsubli iti pagilian da agpapan ita a gundaway.
Kabayatanna, inpetteng ni Machado a ni baro nga interim president Delcy Rodríguez a deputy ni Maduro ket saan a rumbeng a pagtalkan.
