LAOAG CITY – Nangipaay ni Vice Governor Matthew Marcos-Manotoc ti assessment na ken ni Mayor James Bryan Alcid ditoy ciudad ti Laoag.
Kuna ti bise gobernador a ni Mayor Alcid ket ibilang na kas “analytical ken thinking” nga indibidual.
Inbatad na a naaramiden ti mayor dagiti usto a panagbalbaliw ditoy ciudad iti baet a birbiruken na pay laeng ti dalanna.
Segun pay iti bise gobernador, adda ti gundaway a naibaga na ken ni Mayor Alcid a saan unay nga agpanpanunot gapu ta no adda dagiti kalikagom na nga aramiden a dagitoy ket namnamaen na a pagsayaatan ditoy ciudad ket ipatungpal na latta.
Innayon na a kastoy ti makitkita na kadagiti agkakasirib a mayor ditoy probinsya no sadinno a saanda unay nga agpanpanunot ngem ipatpatungpal da lattan dagiti patien da a pagsayaatan dagiti umili nga isu met ti kayat ti kaadoan.
Naobserbaran pay ti bise gobernador nga adda dagiti gundaway a naannad ni Alcid gapu ta panpanunuten na no ania dagiti possible a negatibo wenno positibo nga epekto ti ipatungpal na nga addang.
