LAOAG CITY – Mangiyuswat da Vice Governor Matthew Marcos Manotoc ken ti asawa na a ni dati a Miss Earth Jamie Herrell ti Thanksgiving mass iti La Virgen Milagrosa Chapel iti ili ti Badoc.
Daytoy ket paset paylaeng ti selebrasyon iti panagkasar da iti kallabes a naangay iti Cebu Cathedral idiay Cebu City idi Enero 9, 2026.
Inbatad ni Vice Governor Manotoc nga imbitado ti amin iti isayangkat da a thanksgiving mass, ken addan ti pay ti panagsursur da iti asawa na iti intero a probinsya tapno kumablaaw napateg kadakuada a makita dagiti umili ti ayat ken ragsak a marikrikna da nga agasawa.
Mainaig iti daytoy, kuna ti bise gobernador a kalpasan ti panagkallaysa da iti asawa na ket kalikagom da ti mangbukel a dagus ti bukod da a pamilya.
Inlawlawag na a saan nga umub-ubing ti asawa na isut gapu na a saandan a pabayagen ti maaddaan ti anak gapu ta isu ti maysa a rason a nagdesisyon dan nga agkallaysa.
Kabayatanna, mangnamnama ni Vice Governor Manotoc a makaatendar ti kasinsin na a ni Ilocos Norte 1st District Representative Sandro Marcos iti isayangkat da iti asawa na a thanksgiving mass ditoy probinsya.
