LAOAG CITY – Adda ti karbengan ti siasinoman nga agipila ti kandidatura para iti eleksyon.
Daytoy ti inbatad ni Vice Governor Cecilia Araneta-Marcos.
Segun ken ni Marcos, karbengan ti amin nga agkandidato nangruna iti panagserbi kadagiti kakailian.
Inbatad na a siasinoman ti mangabak iti aniaman a posisyon ket maymaysa laeng ti kalikagum ken daytoy ket ti pannakabiag ti panagkaykaysa tapno maminpinsan a makabangon.
Kabayatanna, kuna ti bise gobernador a nu maipanggep iti substituion ket saanen a damo daytoy a mapasamak iti aniaman a posisyon.
Innayun na a ti napateg ket ti respeto iti tunggal maysa ken agtultuloy ti panangipakat kadagiti proyekto a mangited ti pagdur-asan.
Ti rakurak ni Vice Governor Marcos ket kalpasan nga agpada nga agpaidaisig kas gobernador ti probinsya ni incumbent Governor Matthew Marcos Manotoc ken ni dati nga house majority floor leader Rodolfo “Rudy” Fariñas.
Saan met nga ibilang ti bise gobernador a re-match iti pamilya Marcos ken Fariñas ti panaglaban dagiti dua a kandidato.
