LAOAG CITY – Saan nga umanamong ni Vice Governor Cecilia Araneta Marcos iti pannaka-establisar dagiti Offshore Windmills iti ili ti Burgos no awan maitulong na a mangpababa ti presyo ti kuryente ditoy probinsya.
Segun kenkuana masapul a mabenipisyaran met ti probinsya ken malapdan ti napasamak idi a nagbalin a 12 a pisos ti presyo ti kuryente iti kada kilowatt hour.
Basar iti panangilawlawag ti Renewable Energy Company ket mapan amin daytoy iti grid no sadinno a 110 units ti maipan ken agproduce daytoy ti 2000 megawatts.
Mainaig iti daytoy, saan pay nga umanamong dagiti sumagmamano a Bokal gapu ta saan a masigurado no adda dakes nga epekto na daytoy iti aglawlaw.
Kabayatanna, adalen pay laeng ti Gobierno Probinsyal ti nailungalong tapno masigurado ti maipaay na nga epekto ditoy probinsya.
