LAOAG CITY – Kalikagom ni Vice Governor Matthew Marcos Manotoc a maprotehiran dagiti sanikwa ti probinsia.
Karaman ditoy ti nakurang a 800 nga ektarya a daga iti ili ti pagudpud a pakaestablisaran ti Special Economic Zone.
Segun kenkuana, masapol nga awan ti magundawayan a residente no di ket mabenepisyaran amin saan laeng a dagiti negosyante.
Innayon na a ti pannaka-develop ti lugar ket rumbeng laeng a responsable ken mataginayon nangruna ket saan nga ang-angaw ti kadakkel ti lugar a pakaestablisaran ti nasao a proyekto.
Mangnamnama a saan nga agbalin a kas iti blue lagoon a maibagbaga a napinpintas ngem ti Saud iti ngem saan met a napintas ti nagbanaganna daytoy.
Kunana a no maestablisar ti nasao a proyekto ket saan koma a malipatan ti responsibilidad iti aglawlaw ken dagiti residente.
Maipalagip nga inrakurak ni Mayor Rafael Benemerito iti ili ti Pagudpud a magagaran dan para iti pannakaestablisar ti special economic zone a daytoy ket arapaap paylaeng daydi ama na a dati a mayor iti nasao nga ili ken para iti ad-adda pay a panagprogreso ti ili pakairamanan ti intero a probinsia.
