LAOAG CITY – Pakaskasuan ti Office of the Ombudsman ti Bise Mayor ken anak na a dati a Mayor ken dagiti kakabagian da idiay ili ti Solsona, Ilocos Norte.
Basar ti impormasyon nga inparuk-at ti nasao nga opisina, sumango ti kaso da dati a Mayor Jonathan de Lara, Vice Mayor Joseph de Lara ken ti asawa na a ni dati a Municipal Administrator Berta de Lara, dagiti dati a kameng ti Sangguniang Bayan Members a da Edison de lara ken Francis Gerald Ganotisi, dati a Municipal Engineer Albert Baria , Municipal Health Officer Ruth de Lara , Muncipal Accountant Divina Domingo ket dati nga Administrative Officer Gloria Espiritu.
Daytoy ket gapu iti saan da a panangilanad iti a Statement of Assets Liabilities and Net Worth da nga adda da kakabagian da nga empleyado ti munisipyo.
Namunganay ti pannakaipila ti reklamo kontra kadagiti maseknan kalpasan a nagpila ti reklamo da Mayor Alex Calucag, Sangguniang Bayan Members Mark Dennis del Castillo, Jose Martin ken Lorenzo Pascua.
Napaneknekan ti Office of the Ombudsman nga adda ti rason tapno agpursigi ti reklamo.
Kabayatan na, pinadas ti Bombo Radyo nga alaen ti reaksiyon dagiti maseknan ngem narigat a mabirukan.
