LAOAG CITY – Patien ni Vice Mayor Jonathan de Lara a dagiti agsasaruno a maaw-awat a pammadayaw iti ili ti Solsona ket gapu iti kinagaget dagiti agpanpanday linteg iti nasao nga ili.
Segun kenkuana, naruayen dagiti resolusyon a naipasa para iti pagsayaatan dagiti umili iti ili ti Solsona.
Inpasingked ti bise mayor nga agtultuloy ti pannakikoordinar da kadagiti Department Heads tapno amwen no ania dagiti kasapulan dagiti umili tapno makaaramid da ti linteg.
Inrakurak daytoy ni de Lara kalpasan a naawat ti lokal a gobierno iti ili ti Solsona ti 1st runner-up ti Local Legislative Award ditoy probinsya, iti katergorya a 1st agingga iti 3rd class municipalities a nakagun-odan da ti rating a 98.88%
Malaksid iti daytoy, nakaawat pay ti nasao nga ili ti Excellence in Legislation Award; Hallmark of Excellence Award ken ti Innovator’s Award.
