LAOAG CITY – Kinumpirmaran ni Vice Mayor-elect Atty. Ferdinand Ignacio iti ili ti Paoay a naawat ti Bureau of Local Government Finance iti La Union ti reklamo kontra ti Municipal Treasurer.
Daytoy ket mainaig pay laeng iti isyu seknan iti naipaay a performance-based bonus a naawat dagiti empleyado idi bulan ti Enero a maipagarup nga addaan iti anumalya.
Inbatad na a ti Bureau of Local Government Finance (BLGF) ti addaan ti hurisdiksiyon kadagiti Municipal Treasurer ken dagiti Assistant Municipal Treasurer.
Kuna ni Ingnacio a nagpirma ti presidente ti assosasyon dagiti empleyado ken dadduma pay nga empleyado ti reklamo seknan iti pannakaiyakar ti maseknan a treasurer.
Inlawlawag na a ti pannakaiyakar ti maseknan a treasurer iti ili ti Paoay ket paset iti due process gapu ta no saan a maiyakar ket possible a madadael ti integridad dagiti adda kenkuana a dukomento a napateg para iti processo.
Segun kenni Ignacio, maysa kadagiti napateg ket iti supporting documents a nakariroan dagiti konsehal babaen ti treasurer gapu ti naipakita a dukomento ket nakapasa ti ili da iti Seal of Good Local Governance ngem iti naawat na ket nakapasa ti ili iti Seal of Good Financial Housekeeping.
Inbunannag pay ti abogado a nakaawat pay ti PBB dagiti agtrabtrabaho iti munisipyo a saan pay nga empleyado babaen iti treasurer.
Mainaig iti daytoy, kalikagum a maamuan pay no kasano ti pannakaiparuk-at ti pondo para ti PBB .
Inbatad ni VM-elect Ignacio a gapu ta agpipinnatudo dagiti maseknan nga opisina no siasinno ti nakabasol ket mairaman da laengen ken makaammo dagiti maseknan a depensaan ti bagbagi da.
Kuna na a maipila ti kaso intono sumaruno a lawas kontra kadagiti dadduma a nainaganan iti Office of the Ombudsman malaksid kenni Adela gapu ta hurisdiksiyon ti BLGF ken maipila ti kaso na ita a lawas.
