LAOAG CITY – Kinumpirmaran ni Vice Mayor-elect Virgilio Agoto iti Sarrat, Ilocos Norte nga adda dagiti armado a lallaki a napan nagpapaliiw iti lawlaw ti balay da ken uray iti taltalon da.
Inlawlawag na a nakaugalian nan a tunggal makariing iti bigat ket mapan agkape iti ayan dagiti taraken na a manok.
Kuna na a mismo a dagiti kabbalay ken kakasinsin na ti makakitkita kadagiti armado a lallaki nga agkubkubukob ken agpapaliiw iti lawlaw ti balay da ken iti taltalon na a.
Inbatad na nga adda ti gundaway a timmawag ti pulis ngem nakataray dagiti maseknan idi napasungadan da dagitoy.
Malaksid kadagiti agpapaliiw iti asideg da ti balay da ket adda pay ti nagpammarang nga aglako ti ikan a maipagarop a taga Barangay Davila, Pasuquin, Ilocos Norte.
Inpetteng ni Agoto nga adda ti napan agdeliver ti ikan iti balay da idinto nga awan met ti order na.
Mamati ni Agoto a ti mapaspasamak kenkuana iti agdama ket adda maris pulitika na isut gapuna a kasapulan ti naan-anay a panagannad na.
Innayon na a nabayag a nagserbi kas konsehal iti ili a Sarrat ngem awan ti nangipangpangta ti biagna, ken ita laeng a mapaspasamak ti kastoy kenkuana kalpasan a nangatiw kas bise mayor iti nasao nga ili.
