Inlawlawag ni Laoag City Vice Mayor Rey Carlos Fariñas a mabalin daytoy nga agisponsor ti ordinansa wenno resolusion kas maysa a vice mayor.
Segun kenkuana, daytoy ket no laketdi masursurot dagiti naikeddeng nga internal rules ti konseho.
Inbatad ni Fariñas a nalawag a nakaipalaon iti Local Government Code dagiti akem ken responsibilidad ti maysa a vice mayor.
Nupay kasta, kunana nga awan ti nakaipalaon iti linteg a mangipawil kenkuana nga agisponsor kadagiti ordinansa.
Innayonna a napateg a suroten dagiti pagaladagan ti konseho iti panangipatupal kadagiti obligasion da ngem saanna a kayat a saoen a maipawil iti maysa a bise mayor ti aginsponsor kadagiti nailungalong nga ordinansa.












