LAOAG CITY – Mangipaay Vice Mayor Michael Fariñas iti Laoag ti 500 a ribo a pisos kas gunguna para ti siasinno man a makaibaga ti paglemlemmengan ni Miss Elena Asuncion.
Inbatad na a 200 a ribo a pisos koma laeng ti iparuk-at da a reward money ngem amangan no tagibassiten laeng dagiti adda idiay Amerika.
Kuna ti bise mayor a gagem ti nasao nga addang a maisubli ditoy pagilyan ni Asuncion tapno sungbatan na ti inaramid na.
Ni Asuncion ket dati a city treasurer ti ciudad ti Laoag ken isu ti maitudtudo a nangitaray ti nasurok a 85 a milyon a pisos manipod ti pagkabanan ti ciudad ti Laoag.