LAOAG CITY – Inlawlawag ni Vice Mayor Vicentito Lazo ditoy ciudad ti Laoag ti takder ti DILG seknan iti panagutang ti lokal a gobierno ti 70 a milyon a pisos a paggatang ti bakuna.
Basar iti surat nga inpatulod ti DILG, ti 70 a milyon a pisos a paggatang kuma iti bakuna ket mabalin a maala manipud iti infrastructure project.
Nakailanad pay a ti maikkat met a 70 a milyon a pisos iti infrastructure project ket isu ti mabalin nga utangen para iti Localized Build Build Build Project.
Segun kenni Lazo, ti panagutang ti nasao a kantidad ket ipalubos ti COA ngem iti biang ti DILG ket saan a mabalin nga umatang para iti bakuna.
Gapo iti daytoy, binilin pay ni Lazo ti Committee on Finance nga idadauloan ni Konsehal Handy Lao a mangkita no anya ti mabalin nga aramiden tapno magun-od ti herd immunity.
