LAOAG CITY – Nangipasa ni Vice Mayor Rey Carlos Fariñas ditoy ciudad ti Laoag ti 4 a resolusyon tapno bigbigen dagiti kameng ti Sang Panlungsod ken maysa a partylist sakbay nga agngudo ti termino da.
Segun iti bise mayor, rumbeng a maipaayan ti pammigbig gapo iti serbisyo nga inpaay da iti publiko kabayatan ti panagtakem da kas opisyal ti gobierno.
Inpakaammo na a karaman kadagiti mapadayawan ket isuda Konsehal Handy Lao, Derick Lao, RJ Fariñas ken probinsiyano partylist.
Malpas ti termino dagiti nadakamat a kameng ti konseho intono Hunyo 30 ita a tawen.
Kabayatanna, nagyaman ni Konsehal Derick Lao iti agarup 18 a tawen a panagserbi na ditoy ciudad ti Laoag ken inkari na nga uray awan ton iti serbisio ket agtultuloy latta ti panangipaay na ti tulong ditoy ciudad.
