LAOAG CITY – Kinumpirmaran ni Vice Mayor Jessie Ermitanio iti Marcos, Ilocos Norte a makaaw-awat manen iti pangta ti biag babaaen iti text message.
Inbatad na a masansan nga agsukat ti numero gapu kadagiti maaw-awat na a pangta ti biag.
Nupay kasta, inpasingked na a saan a daytoy iti agbalin a tubeng iti napintas a serbisyo na iti nasao nga ili.
Innayon na nga agtultuloy iti serbisyo na kadagiti umili tapno ad-adda pay a dumur-as iti ili a Marcos.
Maipalagip a natay ti driver ni Ermitanio kalpasan a natambang da idi Abril 5 iti agdama a tawen idinto a nagasat a nakalasat ti bise mayor ken dua pay a kakadwa na.
