LAOAG CITY – Nangrugin ti campaign rally ni United States Vice President Kamala Harris idiay Milwaukee.
Daytoy ti umuna a gundaway kalpasan ti sumagmamano nga aldaw a pinili isuna ni United States Pres. Joe Biden a mangsukat kenkuana iti panagpaidasig iti kina-Presidente ti Estados Unidos.
Iti panagbitlana iti sangoanan dagiti supporters ket saan a maliklikan ni Harris a babalawen ti kabinnalubalna a ni dati nga United States Pres. Donald Trump.
Target-na a lappedan ti ilunglungalong ni Trump nga “extreme abortion bans.”
Kabayatanna, inpannakkelna iti uneg ti 24 nga oras manipud idi pilien isuna ni Biden nga agpailayon iti kina-Presidente ket nakaawat dagus daytoy ti dumanon iti $81 milyon kas pundo iti panagkampania.
