LAOAG CITY – Napilaan ti agsusukot a kaso iti Office of the Ombudsman ni Vice President Sara Duterte ken dadduma pay nga opisial ti Office of the Vice President ken Department of Education.
Naamoan a dagiti kaso ket inpila dati a Finance undersecretary Cielo Magno, 2025 Ramon Magsaysay awardee Father Flavie Villanueva, ken Father Robert Reyes.
Karaman ditoy ti kaso a plunder, bribery, malversation, graft, culpable violation of the constitution, ken betrayal of public trust.
Daytoy ket adda ti pakainaigan na iti saan a husto a pannakausar ti confidential funds a naitalek ken ni Duterte idi indaulwan na ti Department of Education ken kas bise presidente.
