LAOAG CITY – Inbatad ni Mr. Jonathan Salvador, Vice President iti Gabu-Laoag Operators-Drivers Association, dagiti isyu maipanggep kadagiti barangay tricycle franchises nga agitultulod ken agpick-up ti pasahero iti centro ditoy siudad ti Laoag.
Segun kenkuana, adda ti sursurutenda nga addang no ania man ti naited kenkuada a parangkesa ket isu ti surutenda.
Innayonna a maysa kadagiti mabalin a rason ti nairot a trapiko a mapaspasaran ditoy siudad ket gapu iti panagadu ti lugan.
Mainaig iti daytoy, kunana a mabalin a kumaro ti trapiko nangruna inton aglukat ti dakkel a mall ken dakkel ti agbalin nga epekto daytoy kadakuda nga agpaspasada ti jeepney.
Kalikagumda a maaddaan ti slot para iti terminal iti dakkel a mall tapnu mangitulod kadagiti pasahero manipud iti mall agingga iti centro ti ciudad.
Kabayatanna, panggep ni Salvador ti maaddaan iti nasaysayaat a kontrol ken disiplina dagiti padana nga agpaspasehero tapnu makissayan ti trapiko ditoy siudad.
