LAOAG CITY – Tinawagan ni Vice-President Kamala Harris ni Donald Trump tapno kablaawan iti panangabak na iti 2024 presidential election.
Basar iti senior aide ni Harris, inbatad ti bise presidente ti natalinaay a pannakaiyakar ti turay ken panagbalin a presidente para iti amin nga amerikano.
Manamnama ti panagsarita ni Harris iti Howard University ita nga aldaw kalpasan ti pannakaabak na iti kalepleppas nga eleksyon ti Amerika.
Immuna iti daytoy, indanun dagiti sumagmamano a world leaders ti pangablaaw da ken ni Trump ken inkari da ti naan-anay a pannaki-trabaho da kenkuana.
Karaman kadagiti immuna a nangidanun ti pangablaaw na ken ni Trump ket ni Britain Prime Minister Keir Starmer, French President Emmanuel Macron, President Cyril Ramaphosa iti South Africa, Japan Prime Minister Shigeru, Türkish President Recep Tayyip Erdogan, Indian Prime Minister Narendra Modi ken dadduma pay.
