LAOAG CITY – Agturong ni Vice President Sara Duterte idiay Japan intono Setyembre ita a tawen tapno bisitaen ti Filipino community iti nadakamat a pagilian.
Iti agdama ket adda ti bise presidente idiay The Hague, Netherlands kadwa na dagiti tallo a kakabsat na nga isuda
Davao City Representative Paolo “Pulong” Duterte, Acting Davao City Mayor Sebastian “Baste” Duterte, ken ni Kitty Duterte tapno bisitaen ti ama da a ni dati a Presidente Rodrigo Duterte.
Ti dati a presidente ket nakabalud iti idiay the Netherlands gapu iti kaso a crimes against humanity mainaig kadagiti napaspasamak a pammapatay kabayatan ti giyera kontra illegal a droga idi daytoy ket mayor paylaeng iti Davao City ken iti panagserbi na kas mangidaulo ti Pilipinas.
Maipalagip nga immunan a napan binisita ti bise presidente ti Filipino community iti Australia, Kuwait, Qatar, Malaysia, ken France kadagiti naglabas a bolan.
