LAOAG CITY – Inrakurak ni Palace Press Officer USec. Claire Castro nga agturong idiay Kuwait ni Vice President Sara Duterte.
Segun ken ni Castro, naamoan na nga adda plano ti bise presidente a mapan idiay Kuwait intono Agosto 8, 2025 iti baet nga awan ti request travel authority na para iti nasao a biahe.
Kuna na a ti naudi a travel authority ti bise presidente ket idi Hulyo 5 agingga 28, 2025 iti panagturongna idiay The Hague, Netherlands ken South Korea.
Maipalagip a kuna ti Office of the Vice President nga awan ti impormasyon da mainaig iti ayan ni Vice Presidente Sara kadagitoy a gundaway.
