LAOAG CITY – Inrakurak ni Vice President Sara Duterte nga awan ti plano na nga aglemmeng wenno pumanaw iti Pilipinas gapu kadagiti sangsangwen na a legal issues ken impeachment complaints.
Iti press conference, kuna ni Duterte a pilyen na latta ti agtalinaed iti pagilian gapu ta isu ti ayan ti pamilya na kangrunaan na dagiti annak na uray adda ti maiparuk-at a warrant of arrest kontra kenkuana..
Immunan a nangipila ti Philippine National Police (PNP) ti reklamo a direct assault, disobedience, ken grave coercion kontra ken ni Duterte, Vice Presidential Security and Protection Group (VPSPG) head Colonel Raymund Dante Lachica, ken dadduma pay.
Kabayatanna, iti maikadwa a daras ket saan manen a napan nagatendar ni Duterte iti imbitasyon kenkuana ti National Bureau of Investigation seknan iti manarimaan nga imbestigasyon ti ahensya gapu iti pangta ti bise presidente nga addan ti nakasarita na a mangpatay ken ni President Ferdinand Marcos Jr., 1st Lady Lisa Araneta-Marcos ken House speaker Martin Romualdez no adda ti mangpatay kenkuana.
Malaksid iti daytoy, sumangsango pay ni Duterte ti dua nga impeachment complaints iti kamara de representantes mainaig iti pannakabusbos ti confidential funds ti Office of the Vice President (OVP) ken ti Department of Education (DepEd) iti babaen ti liderato na.
