LAOAG CITY – Kinarit ni Vice President Sara Duterte dagiti miembro iti kamara de representantes nga imbestigaren da met ti Office of the President (OP) a naduktalan dagiti state auditors kas kadakkelan ti nabusbos na a confidential ken intelligence fund para iti 2023.
Inpetteng ni Duterte a saan laeng a ti tututukan nga im-imbestigaren dagiti miembro ti kamara de representantes ket iti Office of the Vice President (OVP) no ti pudno nga intensyon da ket ti mangipatungpal ti linteg iti panangusar ti confidential funds.
Immuna iti daytoy, basar iti Commission on Audit (COA) Annual Financial Report, nagtalinaed ti Office of the President iti babaen ni President Ferdinand Marcos “Bongbong” Jr. a kangatoan ti nagastos a confidential funds.
Nakagastos ti opisina ti presidente ti P2.25 billion ken P2.31 billion iti confidential ken intelligence funds idi 2023.
Nupay kasta, inkalintegan dagiti agpanpanday linteg a ninamnaman daytoy gapu ta ti presidente ket trabaho ken obligasyon na kas commander-in-chief ti Armed Forces of the Philippines a tutukan ken solusyonan ti pakaseknan iti national security.
