LAOAG CITY – Kinarit ni Vice President Sara Duterte ti Kamara nga imbestigaren met ti binilion a pisos a confidential fund ni Presidente Bongbong Marcos Jr.
Segun ken ni Vice Pres. Sara, no talaga nga agkalikagom ti Kongreso a mangimbestigar iti confidential funds dagiti opisina ti gobierno kas mangipakita ti aid of legislation ket apay a saan da a imbestigaran ti Office of the President.
Inbatad pay ti Bise Presidente a namindua a darasen a na-clear ti confidential fund iti opisina na ken ti Department of Education nga inmatunan na idi babaen ti Commission on Audit (COA) ken inpettengna a ti laeng COA ti addaan iti hurisdiksion nga agimbestigar saan a ti Kongreso.
Mainaig iti daytoy, kuna ti bise presidente a saan a rumbeng a maibutaktak iti publiko ti linaon dagiti intelligence operations gapu ta mangpapeggad daytoy iti seguridad dagiti personnelda apaman ti operasion.
