LAOAG CITY – Kumpiyansa ni Vice President Sara Duterte a mangabak iti impeachment trial iti Senado a mangrugi intono Hulyo ita a tawen.
Iti maysa nga interview, inbatad ti bise presidente a dagus a nakitaripnong kadagiti abogado na apaman a nakasubli ditoy Pilipinas manipod iti The Hague, Netherlands.
Maipalagip a nagtalinaed ti bise iti nasao a pagilian iti agarop maysa a bolan tapno tumulong a mangbukel ti defense team ti ama na a ni dati a Presidente Rodrigo Roa Duterte.
Segun ken ni Vice President Sara, kumpyansa pay ti legal team na a dakkel ti tsansa na a maipangabak da ti kaso.
Iti baet daytoy, nagkedked ti bise presidente a nangidetalye kadagiti ar-aramiden da a preparasyon para iti impeachment trial manipod iti Hulyo.
Immunan a naimpeach ni Vice President Sara Duterte iti Kamara de representantes.
