LAOAG CITY – Saan nga agatendar ni Vice President Sara Duterte iti maikapat nga State of the Nation Address (SONA) ni President Ferdinand Marcos, Jr. intono Hulyo 28 ita a tawen.
Daytoy ti inrakurak ni House Secretary General Reginald Velasco.
Inbatad ni Velasco a nakaawat da ti pakaammo a saan manen nga agatendar ti bise presidente iti State of the Nation Address ni Presidente Marcos.
Nupay kasta, inpakaammo ni Velasco nga adda latta ti isagana ti kamara de representantes a pagtugawan ti bise presidente ken dagiti staff na no bilang agbaliw ti panunot na.
Maipalagip nga iti napalabas a tawen ket saan a nagatendar ti bise presidente iti maikatlo nga State of the Nation Address ni Presidente Marcos gapu ta dinutukan na ti bukod na a bagi kas “designated survivor”.
