LAOAG CITY – Nakoronaan ni Victoria Kjær Theilvig ti Denmark iti Miss Universe 2024 kalpasan nga inatiw na ti 125 kandidata iti coronation night a naiyuswat iti Arena CDMX, Mexico City ita nga aldaw ti Nobyembre 17.
Daytoy ti kaunaan a gundaway a nangabak ti Denmark iti titulo kas Miss Universe.
Insuot kenkuana ni Miss Universe 2023 Sheynnis Palacioa ti Nicaragua ti kaunaan a korona a dinisenyo ti international jewelry brand nga addaan kadagiti South Sea Pearls.
Mainaig iti daytoy nangabak kas First runner-up ni Chidimma Adetshina ti Nigeria, Second runner-up ti pambato ti Mexico a ni Maria Fernanda Beltran, Third runner-up ni Opal Suchata Chuangsri ti Thailand ken 4h runner-up ti kandidato ti Venezuela a ni Ileana Marquez
Kabayatanna, nakastrek met ti pambato ti Pilipinas a ni Chelsea Manalo iti Top 30.
