LAOAG CITY – Inpetteng ni Mrs. Ludivina delos Reyes, ti ina ti nagbalin a subject ti gun buy bust operation iti Barangay Root iti ili ti Dingras a ni Elpidio “Jeff” delos Reyes nga inosente ti anak na ken saanen a nagsubli iti iligal nga aktibidad na sipud simmuko idi 2016.
Segun met iti kasinsin ti subject a ni Ms. Eloisa, adda ti nangisend kadakuada a maysa a concern citizen a nakai-video iti napasamak.
Ummuna iti daytoy, kunana a basar iti palawag a naipadanon kadakuada, napan naginana ni Jeff iti kubo-kubo ken kalpasan a nakasarita na iti cellphone ti nobya na ket agawid kuman ngem adda ti nagsardeng a kotse ken bimmaba dagiti lallaki.
Inlawlawag na nga iti video ket makita a bayat a tengtenglen dagiti lallaki ti subject ket adda ti maysa pay a lalaki nga immasideg ken adda ti innala na a iti pantalon na ken maipagarop nga inpasuksok na iti short ti kasinsin na.
Kwestyunaran na pay ti rakurak ti PNP a limmaban ni Jeff gapo ta nakaposas met daytoy ken garterized ti short ti subject isut gapo ta na a patien da nga awan ti paltog na iti daytoy a gundaway a maiapagarop nga isu ti inlako na.
Iti agdama ket awan pay ti pinal a plano ti pamilya da no anya ti aramiden da ngem kalikagom da nga adda ti makasarita nga abogado babaen iti PAO a mangdepensa iti subject.
Kabayatann, inlawlawag ni Police Captain Joseph Calderon, ti chief of police ti PNP-Dingras a ni Mr. Elpidio delos Reyes ket maibilang a high value individual iti provincial level.
Segun kenni Calderon, iti impormasyon da ket no rumrumuar ni Delos Reyes ket adda latta ti paltog na a maipagarop nga ilaklako na.
Inbatad na a kalpasan ti panang-validate da ket inyuswat da ti operasyon kontra kenni Delos Reyes.
Inadmitir ni Calderon a saan da a maipursige ti drug buy bust operasyon gapo ta ibilang da naatap ni Delos Reyes isut gapo na a ti insayangkat da ket gun buy bust operation.
Kabayatanna, kuna ti hepe a nakasagana da a mangsango wenno mangsungbat ti anyaman nga alegasyon ti pamilya Delos Reyes.
