LAOAG CITY – Nakasagana ti Vietnam a makipagsarita iti Pilipinas tapno mangbukel kadagiti plano seknan iti interes ti dua a pagilian.
Daytoy ket kalpasan a pormal a nangipila ti kampo ti Pilipinas itay napan a lawas iti United Nations ti entitlement claim para iti extended continental shelf iti mapagsusupiatan a baybay a mapapati a nabaknang iti natural gas deposits ken ikan.
Inlawlawag ni Vietnam Foreign Ministry spokesperson Pham Thu Hang a papigsaen manen ti Vietnam ti kinasoberanya na kas maitunos iti international law seknan iti Hoang Sa wenno maawagan pay kas Paracel archipelago, Truong Sa island ken Spratly islands no sadinno a claimant ti Pilipinas.
Kinunana pay a masapul a respetaren ti maysa coastal state dagiti nainkalintegan a karbengan ken interes dagiti dadduma a coastal state nga addaan iti adjacent coastlines.
Mainaig iti daytoy, maipalagip a ti Vietnam ken Pilipinas ket agpadama a claimants kadagiti paset ti mapagsusupiatan a teritorio a tagtagikua-en ti China.
