LAOAG CITY – Naka-schedule a bumisita ditoy pagilian ni Vietnamese President Tô Lâm.
Segun iti Presidential Communications Office (PCO), maiyuswat ti state visit ni Lam manipod Mayo 31 agingga iti Hunyo 1 ita a tawen.
Sumagmamano kadagiti matratar iti maiyuswat a bilateral meeting ti dua a lider ket ti trade, investment, food security ken defense.
Daytoy ti kaunaan nga state visit ti Vietnamese President iti Pilipinas sipud nagtugaw iti puwesto.
Maipalagip nga idi Hulyo 12, 1976 a nabukel ti diplomatic relations ti dua a pagilian.
Pinatibker da ti panagkadwa da kas strategic partnership idi Nobyembre 17, 2015.
