LAOAG CITY – Inpakaammo ti lokal a gobierno iti ili ti Vintar a 24 nga oras ton ti operasyon ti Vintar District Hospital mangrugi intono Lunes, Pebrero 10 ita a tawen, kalpasan ti naiget a koordinasyon da iti gobierno probinsyal.
Daytoy ti nagpinalan ti saritaan da Mayor Richard Degala ken ni Dr. Desiree Geraldine A. Soriano, ti mangidadaulo iti Vintar District Hospital.
Karaman pay nga inaprobaran ti mayor ket ti kiddaw ni Dr. Soriano a pannakaibyahe dagiti staff ti ospital iti kada aldaw ti sabado ken domingo nga agturong iti nasao nga ospital.
Mainaig iti daytoy, inpakaammo ni Dr. Soriano nga adda ti dua a doctor ken 3 a nurse a nainayon nga agserbi Iti ospital.
Inpeksa met ti mayor ti panagyamanna kadagiti dodoktor, nurses ken iti gobierno probinsyal iti agtultuloy a suporta da kadagiti residente iti ili ti Vintar.
