LAOAG CITY – Inbatad ni Police Major Joseph Baltazar, ti chief of police iti ili ti San Nicolas nga adda ti direktiba iti higher office da a mangestablisar da ti pasilidad a mabalin a mangakomodar kadagiti matiliw a manglabsing ti Enhanced Community Quarantine (ECQ) iti intero a Luzon gapu iti covid-19.
Inlawlawag na a nailet unay ti carcel iti PNP-San Nicolas isut gapuna a masapol a mangestablisar da ti sabali a pasilidad a pakaikabilan dagiti maarestar a manglabsing ti ECQ.
Segun kenkuana, ti nagtutulagan da iti lokal a gobierno iti ili ti San Nicolas, no sadinno a barangay ti pakatiliwan dagiti violators ket iti barangay hall ti nasao a barangay ti temporaryo a pakaibaludan da.
Innayon ni Baltazar a babaen iti daytoy ket masurot ti social distancing.
Inpasingked ni Baltazar a tumulong da met laeng nga agresponde ngem masapol a kompleto da ti Personal Protective Equipment (PPE) kangrunaan na ket dagiti tiliwen da ket isuda dagiti natangken ti ulo na a saanna a kayat ti agtalinaed iti uneg ti balay.
Immunan nga inpakaammo ni Baltazar a mangkitkita da ti maysa a building a mabalin a pakaibaludan dagiti violators ti ECQ, ngem gapu ta awan pay ket iti pay laeng barangay hall no sadinno a barangay ti pakatiliwan dagiti maseknan.
