LAOAG CITY – Am-amwen ti Commission on Elections (Comelec) ti maipagarop nga agwarwaras iti social media a panagibunbunong ti kwarta ni Rep. Leandro Leviste no sadinno a maikonkonektar daytoy iti vote buying.
Rumrumuar a napasamak daytoy iti napalabas nga eleksyon idiay Batangas.
Nupay kasta, kuna ni Commission on Elections Chairman Erwin George Garcia, am-amwen da no kaanu a napasamak ti insidente ken no pudno nga adda ti napasamak a vote buying iti lugar.
Ad-adalen da pay no ni Leviste ket kandidato iti dayta a gundaway a nagibunung a mismo ti kwarta kadagiti tattao a nagpila.
Kabayatanna, iti biang ni Leviste, inpetteng na a ti panagibunong na ti kwarta ket napasamak idi paskua ken aggapo a mismo iti bulsa na.
Ni Leviste ket maysa kadagiti natured nga agpanpanday linteg a mangkonkondenar kadagiti mapaspasamak a nakaro a korapsyon iti gobyerno aglalo iti flood control projects.
