LAOAG CITY – Awan ti makitkita a madi ni Sen. Sherwin Gatchalian, Chairman ng Senate Committee on Basic Education, Arts and Culture iti pannakaisayangkat ti virtual graduation.
Daytoy ti inbatad ti senador iti eksklusibo a pannakinuman ti Bombo Radyo Laoag kenkuana.
Reaksyon na daytoy iti isyu iti San Nicolas National High School mainaig iti petisyon dagiti nagannak nga agkalikagom a maiyuswat ti virtual graduation ngem maipagarop a saan a kayat ti principal.
Segun kenni Gatchalian, awan ti problema iti virtual graduation gapo ta saan met a face to face daytoy.
Inlawlawag na nga importante ti simple a pannakapadayaw dagiti estudyante nangruna dagiti agturpos tapno marikna da met a maik-ikkan ti importansya dagiti ar-aramiden da ken nagrigatan da.
