LAOAG CITY – Opisialen a naideklarar kas National President of the Vice Mayor’s League of the Philippines ni Vice Mayor Maynard Francis Bumanglag manipud iti ili ti Pinili.
Segun ken ni Bumanglag, napalaus ti panagyamanna iti talek nga inpaay dagiti amin a Bise Mayor iti intero a pagilian kenkuana.
Inbatadna nga agtultuloy ti naiget a panagtrabahona tapno ad-adda pay a makaaramid kadagiti agkakapintas a programa para iti amin.
Kunana a ti maysa kadagiti aramidenna ket ti communication wise wenno pannakakissay ti panagusar iti papel babaen ti maysa nga ID nga addaan ti QR code-na.
Inlawlawagna a ti saan unay a panangimbitar ti resource speaker tapno mausar ti pundo kadagiti ad-adda a napateg a banag.
Innayonna nga amin a seminar-da ket ma-convert iti short courses tapno no manarimaan ti panag-seminar ti maysa a Bise Mayor ket manaynayonan ti maadalna.
