LAOAG CITY – Kalikagum ni Vice Mayor Albert Chua a mapaigetan ti pannakaiwayat ti random inspection kadagiti nagduduma nga establishimento iti siudad ti Batac.
Segun kenkuana, daytoy ket kalpasan a naobserbaranna a masansan nga adda dagiti tumaod a problema tunggal panag-renew ti business permit dagiti maseknan.
Inbatadna a nasken nga ipakaammo nga insigida ti Bureau of Fire Protection kadagiti akinkukua kadagiti pasdek tapno maliklikan ti aniaman a parikot.
Inlawlawagna a rumbeng a siguradoen nga amin a proseso ket nalpas ken naipatungpal sakbay a naan-anay a maikkan ti occupancy permit dagiti akinkukua kadagiti establishimento.
Innayonna a napintas daytoy nga addang tapno makita nga umuna dagiti pasdek no mapalubusan dagitoy wenno saan nga agoperar.
