LAOAG CITY – Nasakit ti nakem ni Vice Mayor Rey Carlos Fariñas iti nagbalin a sungbat ti Provincial Government ti Ilocos Norte iti kiddawa da panagbalin a libre ti panagserrek dagiti ubbing wenno estudyante iti Marcos Stadium ditoy ciudad ti Laoag.
Daytoy ti inrakuranna kalpasan a naawat dan tu sungbat manipud iti legal officer ti gobierno probinsial.
Inpunto ti Bise Mayor nakailanad iti nasao a sungbat ket no maipada ti kiddaw iti lokal a gobierno ditoy siudad kadadgiti dadduma pay nga ili rason ket adalenda manen ti ordinansa probinsial.
Kunana nga apay a kasapulan pay nga ammoen ti makuna ti sabali nga ili maipanggep iti panagsingir ti entrance fee ket pakaseknan ti siudad gapu ta patien na a ti City Government ti makakita ti nasayaat ken saan a nasayaat nga epekto na iti publiko aglalo ket kaaduan a mapmapan ket ubbing wenno agadadal ditoy siudad.
Inpakaammo na pay a maysa pay a punto ti gobierno probinsial ket ti masingir nga entrance fee ket mausar a kas pangmentenar iti nasao a sports facility.
Segun kenkuana, nasakit ti nakem na a saan a naikkan ti importansya daytoy a kalikagum ti Sangguniang Panlungsod.
Maipalagip nga idi Oktubre 22, 2024 ket inpasa ti Sangunniang Panlungsod ti Draft Resolution SP 2024-194 wenno wave charges walk in clients.
