LAOAG CITY – Inlawlawag ni Vice Mayor Rey Carlos Fariñas ti umno a pakasaritaan ti Barangay franchise ditoy siudad ti Laoag.
Segun kenkuana, ti nasao a franchise ket gagemna a matulongan dagiti residente ditoy siudad a maaddaan ti pagluganan kangrunaan kadagiti adayo a lugar.
Inyarigna ti Barangay Bacsil North ken South no sadinno a no ti rabiin ket awanen ti maluganan dagiti residente a jeep nga agturong ditoy.
Kunana nga agala leng koma dagiti barangay franchise ti pasaheros iti uneg ti barangay-da nga agitulod iti centro ngem saan ketdi nga ag-pick-up ti pasaheros manipud ditoy.
Innayonna pay a nagkiddaw daytoy ken ni Sangguniang Panlungsod Member Jaybee Baquiran, ti Chairman ti Committee on Transportation ti insigida a pannakaresolbar ti probelama.
Kabayatanna, kunana a kalikagomna a matulongan dagiti barangay franchise a maaddaan met ti bukoddaa a terminal a pagpuestoan-da kas kadagiti jeep a mabalin a danonen dagiti aglugan nga agawid kadagiti barangay-da.
