LAOAG CITY – Inpakaammo ni Laoag City Vice Mayor Rey Carlos Fariñas nga adda dagiti maipalpalapayag kenkuana nga adda ti posibilidad a masuspenso ti Barangay and Sangguniang Kabataan Elections gapu iti energy crisis.
Daytoy ti inbatad ti Bise Mayor kabayatan ti regular session ti Sangguniang Panlungsod.
Segun kenkuana, naammoanna daytoy a banag apaman a nagatendar iti panagtataripnong dagiti kameng ti Vice Mayors League of the Philippines.
Inlawlawagna a daytoy ket inbatad ni Vice Mayor Maynard Francis Bumanglag iti ili ti Pinili a Presidente ti Vice Mayors League of the Philippines.
Kunana a daytoy ket gapu iti epekto ti oil crisis iti pagilian a mapaspasaran iti agdama.
