LAOAG CITY – Kalikagom ni Vice Mayor Carlos Fariñas ditoy ciudad ti Laoag a maaddaan ti central terminal dagiti Barangay tricycle Franchise.
Inlawlawag ti bise mayor a dagiti Barangay tricycle Franchise ket saan da a mabalin ti agala ti pasahero da no aggapo da iti sentro ditoy ciudad ti Laoag.
Kuna ni Fariñas a kaasi dagiti Barangay tricycle Franchise aglalo dagiti aggapo kadagiti adayo a barangay no awan ti maiyawid da a pasahero.
Inbatad na pay a napintas no maaddaan ti central terminal dagiti maseknan a Barangay tricycle Franchise tapno adda met ti adda pagluganan dagiti residente nga agawid iti bukod da a barangay.
Gapu iti daytoy, inlungalong ni Fariñas iti Chairman ti Committee on Transportation a kitaen ken adalen da a naimbag no ania ti kasayaatan a maaramid para iti daytoy a banag.
