LAOAG CITY – Kiniddaw ni Vice Mayor Carlos Fariñas ditoy siudad ti Laoag ken ni Mr. Junior Miguel, mangidadaulo iti Cooperative Services a masapol a makikoordinarda pay laeng iti Chairman ti Committee on Cooperative a ni Sangguniang Panlungsod Member Juan Conrado Respicio mainaig iti kalikagumna a maikkan ti financial assistance dagiti babassit a kooperatiba.
Segun kenkuana, saan laeng a ti Local Chief Executive ti masapol a pagdalanna no di ket pakairamanan pay ti konseho, gapu ta isuda ti approving buddy.
Gapu iti daytoy, naitantan ti pannakaipasa ti resolusion gapu ta paitenna a nasken a dumalan daytoy iti komite ken adda ti maisayangkat a public hearing inton Oktubre 7.
Kabayatanna, inlawlawag ni Miguel no apay a kasapulan a maikkan ti financial assistance nga agbalor iti 100,000 pesos ti kada kooperatiba nangruna kadagiti babassit. Kinuna na a kasapulan dagiti kooperatiba ti tulong tapno mapapintas ti sitwasyonda.
