LAOAG CITY – Mangnamnama ni Vice Mayor Rey Carlos Fariñas iti ad-adda pay nga agbalin nga aktibo ti konseho ditoy siudad ti Laoag ita a 2026.
Inbatadna nga iti panagtrabahoda ket masapul ti panagkakadua tapno ad-adu pay dagiti maaramid ken maipasa nga ordinansa wenno resolusion.
Inpadanonna ti panagyamanna iti tunggal maysa iti konseho iti panangsuportada ken tapno makita pay ti pagsayaatan ditoy siudad.
Mainaig iti daytoy, kuna ni Fariñas a sangsangkamaysada amin a mangkita no ania pay dagiti kasapulan a padur-asen wenno plastaren ditoy siudad.
Kabayatanna, inpanamnamana ti panagkikinnammayet iti 13th Sangguniang Panlungsod ditoy siudad ti Laoag tapno ad-adda pay a makatulongda iti pagsayaatan iti tunggal maysa.
