LAOAG CITY – Maragsakan ni Vice Mayor Rey Carlos Fariñas iti panangipalubos ni Gov. Matthew Marcos Manotoc ti kiddawna a pannakailibre ti entrance dagiti estudiante a sumrek iti Ferdinand Edralin Marcos Stadium.
Segun iti Bise Mayor, apaman a nakitana daytoy a post iti official online page ti Gobernador ket dagus nga inpasana daytoy kenkuana kageddan ti panagyamanna daytoy.
Inbatadna nga inaprisiar ti Gobernador isuna gapu iti kalikagumna a mapagbalin a libre ti panagserek dagiti estudiante ti Ferdinand Edralin Marcos Stadium.
Immuna iti daytoy, inparuk-at ti gobierno probinsial nga awanen ti mabayadan nga entrance fee iti Ferdinand Edralin Marcos Stadium para kadagiti agturong ken agusar iti running track iti aldaw ti Martes, Huebes ken Domingo idinto a dagiti dadduma nga aldaw ket agbayad ti 30 a pisos.
